因工作關係，放棄炒賣一段時間，依家轉o左工、時間多o左，就再次炒o下外匯。
棄股從匯，最大o既原因係冇錢，炒股好、炒權好，最低消費至少一皮，而且一日上落過千，我輸唔起；而自從我用開o個間外匯broker 由一手10k 下調到1k 之後，注碼控制靈活好多，一日上落最多幾百蚊。另外，匯市交投大，走勢唔會太飄忽，捉路比股市易好多，而且24小時運作，好少會冇哪哪跌空幾百點令你止蝕唔到。最後，因為依家份工有機會接觸好多敏感資料，要買股就算一定要洗申報都要check 一大輪有冇independence issue，炒匯就唔會有依個問題。
當然，以我依家o既注碼大小(1k-5k)賺大錢就唔可能o架啦，不過當係盤感訓練好、消磨時間好，炒匯都係一個唔錯o既選擇。